Fötlun í nýju ljósi

Þann 18. nóvember kl. 19:30 mun Rannveig Traustadóttir, prófessor emerita og forstöðumaður Rannsóknaseturs í fötlunarfræðum við Háskóla Íslands, koma til okkar. Hún mun spjalla á frekar óformlegan og aðgengilegan hátt um hvernig skilningur á fötlun hefur þróast og um samning Sameinuðu þjóðanna um réttindi fatlaðs fólks og mikilvægi hans. Alþingi lögfesti samninginn árið 2025.

Rannveig er einn af okkar fremstu fræðimönnum er kemur að fötlun og jaðarsettum hópum. Hún hefur lengi verið talsmaður réttinda fatlaðs fólks og hefur gefið út bækur og skrifað fjölda fræðigreina um þetta málefni. Rannveig er þekkt á alþjóðlegum vettvangi sem fræðimaður á sviði fötlunarfræðinnar.

Við hvetjum félagsmenn Gigtarfélagsins sem og aðra áhugasama til að fjölmenna á þennan viðburð.